Blogger news

Drop Down MenusCSS Drop Down MenuPure CSS Dropdown Menu

Friday, April 10, 2015

ယူႇၼီႇၶူတ်ႉ လႄႈ တႆး Tai and Unicode

ယူႇၼီႇၶူတ်ႉပဵၼ်သင်?
ယူႇၼီႇၶူတ်ႉဢၼ်ဝႃႈၼႆႉ ပဵၼ်ၽွၼ်ႉ ဢၼ်ၵူၼ်းတင်းမိူင်း လႆႈဢဝ်ၸႂ်ႉတိုဝ်းသေ ၸွတ်ႇၼႂ်းၶိူင်ႈ ၵူႈဢၼ်ယူႇယဝ်ႉ။
ဢမ်ႇၼၼ် ပဵၼ်ၸၼ်ႉၵမ်ႇၾႃႇလူၵ်ႈၶဝ် မၵ်းမၼ်ႈပၼ် ၼႆၵေႃႈ ဝႃႈလႆႈယဝ်ႉ။ ယူႇၼီႇၶူတ်ႉၼႆႉ မၼ်းပဵၼ်လွၵ်းတီႈ တမ်းဝၢင်းတူဝ်လိၵ်ႈ ၶူတ်ႉ code လိၵ်ႈတႆးႁဝ်းၼိုင်ႈတူဝ် တေမီးၶူတ်ႉ code မၢႆတူဝ်ၼပ်ႉ တႃႇသီႇတူဝ်ယဝ်ႉ။


ယွၼ်ႉသင်ႁဝ်းလီၸႂ်ႉယူႇၼီႇၶူတ်ႉ
ဢၼ်ဝႃႈၼၼ်ႉတေႉ ယွၼ်ႉဝႃႈ ႁဝ်းဢမ်ႇႁဵတ်းဢွၵ်ႇလႆႈၽွၼ်ႉလႄႈၶွမ်းႁင်းၶေႃ၊ လႆႈၸႂ်ႉဢၼ်ပိူၼ်ႈ မၵ်းမၼ်ႈပၼ်လႄႈ ဢၼ်ပိူၼ်ႈမၵ်းမၼ်ႈပၼ်ၵေႃႈ ပဵၼ်ၽွၼ်ႉယူႇၼီႇၶူတ်ႉၼႆႉယဝ်ႉ။ သင်ဝႃႈႁဝ်း ဢမ်ႇၸႂ်ႉယူႇၼီႇၶူတ်ႉ သမ်ႉၸႂ်ႉၸေႃႇၵီႇၸိုင် တေလႆႈတုၵ်ႉၶတေႉတေႉယဝ်ႉ၊ ယွၼ်ႉဝႃႈ ၽူၼ်းဢၼ် လႂ် ၶိူင်ႈဢၼ်လႂ်ၶႅမ်ႉၵေႃႈ ႁဝ်းတေလႆႈလမ်းၸွမ်း ႁဵတ်းၸွမ်းတိၵ်းꧦၼင်ႇႁိုဝ်တေႉၸႂ်ႉလိၵ်ႈႁဝ်းလႆႈ၊ ၽွၼ်ႉၸေႃႇၵီႇတႆးၼႆႉ သင်ဝႃႈႁဝ်းသိုပ်ႇၸႂ်ႉတိုဝ်းၵေႃႈ တေလႆႈယူႇ၊ ၵူၺ်းၼႃႇ မၼ်းတေယၢပ်ႇၸႂ်ႁဝ်း တွၼ်ႈတႃႇၽူၼ်းဢၼ်သၢင်ႉသုင် Version သုင်ၼၼ်ႉ၊ ၵမ်ႈၽွင်ႈယွၼ်ႉပၼ်ႁႃၽွၼ်ႉၼႆႉသေယဝ်ႉ လႄႈ လႆႈလုတ်ႉ root ၶိူင်ႈၽူၼ်းႁဝ်း၊ လုတ်ႉၼႆၵေႃႈ တေႃႉတေႉႁူႉဝႃႈ တႃႇတေသႂ်ႇလိၵ်ႈတႆးႁဝ်းလႆႈ မွၵ်ႈၵႃႈၼၼ်ႉၵူၺ်းယဝ်ႉ။ ၼင်ႇႁိုဝ်တေဢမ်ႇလႆႈလုတ်ႉလႄႈ သႂ်ႇငၢႆႈလူမ်လူမ် ႁၼ်ႁၢၼ်ႉတေႃႇၽူၼ်း ပေႃးၵႆွ ဢမ်ႇမီးပၼ်ႁႃသင်တေႉၵေႃႈ ႁဝ်းထုၵ်ႇလီၸႂ်ႉ ယူႇၼီႇၶူတ်ႉယဝ်ႉ၊ ယွၼ်ႉဝႃႈ မၼ်းပဵၼ်ဢၼ် ပိူၼ်ႈမၵ်းမၼ်ႈပၼ်ႁဝ်းၼၼ်ႉယဝ်ႉ။ တွၼ်ႈတႃႇ ၶၢဝ်းတၢင်းမိူဝ်းၼႃႈၼႆႉ ၽူၼ်းလုၼ်ႈလႂ်မိၵ်ႈလႂ်ၵေႃႈ တေၸပ်းပႃးၸွမ်းယူႇၼီႇၶူတ်ႉသေ တေငၢႆႈၸႂ်ႁဝ်းတေႉꧦယဝ်ႉ။ မိူဝ်ႈလဵဝ်ၼႆႉ သိုဝ်ႉမႃးၵေႃႈ ဢမ်ႇ ႁၼ်လႆႈလိၵ်ႈတႆးႁဝ်း၊ ပေႃးတေႃႈလဵဝ်ႁဝ်းဢွၼ်ၸႂ်ႉယူႇၼီႇၶူတ်ႉတေ တႃႇလုၵ်ႈလၢၼ်မိူဝ်းၼႃႈ မႃး ၶဝ်တေဢမ်ႇႁူႉဝႃႈ ၵႂႃႇႁႃလူင်းၽွၼ်ႉတီႈၼၼ်ႈ တီႈၼႆႈယဝ်ႉ။ သမ်ႉထႅင်ႈ သင်ဝႃႈ လႆႈၸေႃႇၵီႇမၢၼ်ႈ ယဝ်ႉ ၸေႃႇၵီႇတႆး ဢမ်ႇသႂၢင်းဢမ်ႇလူင်းထႅင်ႈသမ်ႉ ဢမ်ႇႁၼ်လႆႈလိၵ်ႈတႆး၊ ပေႃးလူင်းၸေႃႇၵီႇတႆး သမ်ႉ ႁၼ်လႆႈလိၵ်ႈမၢၼ်ႈၼၼ်ႉ ယွၼ်ႉပိူဝ်ႈၼႆယဝ်ႉ ႁဝ်းထုၵ်ႇလီၸႂ်ႉယူႇၼီႇၶူတ်ႉ။ မိူၼ်ၼင်ႇၼႂ်း ဢီးမႅဝ်းၵီႇထွၵ်ႉၸိူဝ်းၼႆႉ လိၵ်ႈမၢၼ်ႈသမ်ႉ ဢဝ်တၢင်ႇၸိုဝ်ႈလႆႈယူႇ၊ လိၵ်ႈတႆးသမ်ႉဢမ်ႇလႆႈ ယွၼ်ႉ သင်ၼႆ လိၵ်ႈမၢၼ်ႈၼႆႉ ပႃးယူႇၼီႇၶူတ်ႉယူႇၵမ်ႈၽွင်ႈ။ လိၵ်ႈတႆးတေႉ ၼူဝ်း၊ ပေႃးၸႂ်ႉယူႇၼီႇၶူတ်ႉၼႆ လိၵ်ႈတႆးဢမ်ႇႁၼ်လႆႈၼႂ်းၵီႇထွၵ်ႉ ဢၼ်ဝႃႈၼၼ်ႉၵေႃႈ ဢမ်ႇလႆႈငိၼ်းသေပွၵ်ႈယဝ်ႉပေႃးသူၽွမ်ႉ။ (ပိူင်ႈတႅၵ်ႈမၼ်း) ယူႇၼီႇၶူတ်ႉ၊ ၸေႃႇၵီႇ
တႃႇႁဝ်းတေႁၼ်လႅင်းလႆႈၼၼ်ႉ ႁဝ်းတေ ဢဝ်လႅင်းၵၢင်ဝၼ်း ဢၼ်ပိူင်းလႅင်း မႃးပၼ်ၼၼ်ႉႁႃႉလီ? ဢမ်ႇၼၼ် တေၶၢမ်ႇၸပ်းလုၼ်ႈၽိုၼ်းသေ ႁႃတၢင်းၵႂႃႇမိူဝ်းၼႃႈႁိုဝ်?။

ယူႇၼီႇၶူတ်ႉမႃးမိူဝ်ႈလႂ်
ဢၼ်ဝႃႈၼၼ်ႉတေႉ မိူဝ်ႈပီ ႒႐႐႘ ၵူၼ်းၸၼ်ႉၵမ်ႇၾႃႉ UK ၶဝ် ထၢမ်မႃး ၽွၼ်ႉမိူင်းမၢၼ်ႈလႄႈ ၽူႈမီးပၺ်ႇၺႃႇၶဝ်သမ်ႉဝႃႈ ၵူၼ်းၸၢဝ်းၶိူဝ်းၵေႃႈ ထုၵ်ႇလီသႂ်ႇပၼ်ယူႇ၊ ၵွပ်ႈဝႃႈ ၼႂ်းမိူင်းၼႆႉ ဢမ်ႇၸႂ်ႈ ဝႃႈ မီးမၢၼ်ႈၵူၺ်းၼႆႉယဝ်ႉ။ ၵမ်းဢွၼ်တၢင်းတေႉ ဢၢင်ႈတၢင်ႇသႂ်ႇၵႂႃႇ ၽွၼ်ႉမၢၼ်ႈလၢႆလၢႆယဝ်ႉ။ ၵမ်း ၼႆႉ ၸိူဝ်းၵမ်ႈၽွင်ႈသမ်ႉဝႃႈ မိူင်းႁူမ်ႈတုမ် ဢၼ်လုၵ်ႉမႃးတီႈပၢင်လူင် ၼၼ်ႉ ဢမ်ႇၵွမ်ႉမီးမၢၼ်ႈၵွၺ်း မီးလိၵ်ႈ လိၵ်ႈတၢင်ႇၸၢဝ်းၶိူဝ်းၵေႃႈ မီးၼႆသေ ၼႂ်းၽွၼ်ႉဢၼ်ဝႃႈယူႇၼီႇၶူတ်ႉၼၼ်ႉ ပႃးလိၵ်ႈၸၢဝ်း ၶိူဝ်းၵႂႃႇမူတ်းယဝ်ႉ။ တႃႇတႆးႁဝ်းသမ်ႉ ၸုမ်းလူင်ႉၽၢႆႇလိၵ်ႈလၢႆးတႆးၶဝ် ၸင်ႇသႂ်ႇပၼ်ႁဝ်း ၵႂႃႇႁၢၼ်ႉ တေႃႇ လႆႈပဵၼ်မႃး ယူႇၼီႇၶူတ်ႉၼႆႉယဝ်ႉ။ (မႃးတီႈ http://www.shan.panglong.org/inter view-file.html)

ၽွၼ်းလီၸႂ်ႉ ယူႇၼီႇၶူတ်ႉ
(႑) ၼႂ်းၽူၼ်း လုၼ်ႈလႂ် မိၵ်ႈလႂ် သေဢမ်ႇဝႃႈ ဢမ်ႇတၢပ်ႈလူဝ်ႇ သႂ်ႇၽွၼ်ႉ တေပႃးမႃးၸွမ်းၵမ်းလဵဝ်။
(႒) တေၸႂ်ႉလႆႈသႂ်ႇလႆႈ ၼႂ်းၶိူင်ႈၸၢၵ်ႈၵူႈဢၼ်ꧦ(မိူၼ်ၼင်ႇ ၵုၼ်ႇထူဝ်း လႄႈ ထီးဝီး ၶွမ်းၸၵႂႃႇယဝ်ႉ။
(႓) လိၵ်ႈႁဝ်းၵေႃႈ တေမီးပိူင်ထတ်း ၶပ်ႉပၼ်လႆႈ ပေႃးၽိတ်း တေၼႄမၢႆလႅင် မိူၼ်လိၵ်ႈပိူၼ်ႈ။
(႔) ၵူၼ်းၵူႈၶိူဝ်းꧦၵေႃႈ တေႁၼ်လႆႈ ၽွၼ်ႉတူဝ်လိၵ်ႈႁဝ်း။

ဢၼ်ထုၵ်ႇလီႁူႉဝႆႉၵမ်ႈၽွင်ႈ
ၽွၼ်ႉဢၼ်ပႃး ၸေႃႇၵီႇမၢၼ်ႈမႃးၸွမ်းၼၼ်ႉ ဢမ်ႇၸႂ်ႈၶိူင်ႈၸၼ်ႉသုင်၊ ဢမ်ႇၸႂ်ႈ ဢၼ်မႃးတင်းၶဝ်ႈ ပိူင်တေႉꧦ။ ယွၼ်ႉသင်လႄႈဝႃႈၼၼ် ပဵၼ်ၶဝ်ၵပ်းသိုပ်ႇလႆႈၵၼ်လႄႈ ၸဝ်ႈၵုမ်ႇမၼီႇၵေႃႈ ႁူႉႁၼ်ဝႃႈ ၶဝ်တေၸႂ်ႉတိုဝ်းၼမ်ၼႆသေ သႂ်ႇပၼ်မႃးယဝ်ႉ။ ပေႃးပိူၼ်ႈပၼ်ႁႅင်းသိုဝ်ႉၼမ်ၵေႃႈ တေၶၢတ်ႇၼမ်၊ ၸဵဝ်းလႆႈငိုၼ်းၼမ်ၼၼ်ႉယဝ်ႉ။ ႁဵတ်းၼၼ်ၵေႃႈ လႆႈယဝ်ႉၸေႃႇၵီႇမၢၼ်ႈ ၵူၺ်းၵႃႈ မႃးသႂ်ႇၸေႃႇၵီႇ တႆးသမ်ႉ ပေႃးဢမ်ႇလုတ်ႉၶိူင်ႈဢမ်ႇလႆႈလိၵ်ႈတႆး၊ သႂ်ႇၵေႃႈ ၵမ်ႉတူဝ်လဵၵ်ႉတူဝ်ယႂ်ႇ ၸၢင်ႈပဵၼ်ၼၼ် ယဝ်ႉ။ တေႃႈလဵဝ်တေႉ ၶိူင်ႈၵမ်ႉၼမ်ၼႆႉ တေၸပ်းမႃးၽွၼ်ႉယူႇၼီႇၶူတ်ႉလၢႆလၢႆယဝ်ႉ။ ဝိၼ်းတူဝ်း ၶွမ်းၵေႃႈ ၸပ်းမႃးၸွမ်းယဝ်ႉ။ ထႅင်ႈဢိတ်းၼိုင်ႈ လွၵ်းမိုဝ်းၵေႃႈ တေၸပ်းမႃးယဝ်ႉ။

ၶေႃႈထၢမ် ဢၼ်ဢမ်ႇယၢမ်ႈလႆႈငိၼ်း
မိူင်းထႆးၼႆႉ ၶႂ်ႈပေႃႉၽွၼ်ႉလႂ်ၵေႃႈပေႃႉ ၵႂႃႇၼႂ်းလႂ်ၵေႃႈ ႁၼ်လိၵ်ႈလိၵ်ႈထႆး မိူၼ်ၵၼ်မူတ်း၊ ပဵၼ်သင် လိၵ်ႈတႆးႁဝ်းသမ်ႉ ဢမ်ႇမိူၼ်ၼၼ် ပေႃးပေႃႉၽွၼ်ႉ ဢေႇယိင်းယဝ်ႉ ၵႂႃႇပိၼ်ႇလႅၵ်ႈ ၸေႃႇၵီႇ၊ ယူႇၼီႇ ၶူတ်ႉဢမ်ႇလႆႈ ယွၼ်ႉသင်ဢေႉ?။
ယွၼ်ႉဝႃႈ တႆးႁဝ်းတိုၵ်ႉၸင်ႇႁႃ ၶဝ်ႈၸႂ်လွင်ႈဢၢႆႇထီႇလႆႈမႃး ႁူၵ်းၸဵတ်းပီၵူၺ်းလူး၊ ယွၼ်ႉဝႃႈ ဢွၼ် တၢင်းၼႆႉ ႁဝ်းဢမ်ႇႁူႉဝႃႈ ယူႇၼီႇၶူတ်ႉၼႆႉ တေမိူၼ်ၼႆ ! သင်ႁဝ်းၸႂ်ႉဢၼ်လဵဝ် ဢဝ်ပိူင်ယူႇၼီႇ ၶူတ်ႉၵႂႃႇ လၢႆလၢႆၵူၺ်းတေႉ တေမိူၼ်ထႆးယူႇ။ ၽွၼ်ႉဢေႇယိင်း ၵေႃႉၸၢႆးတေႉ ႁဝ်းႁဵတ်းဢဝ်ႁင်း ၵွၺ်းလႄႈ ႁူႉၵႃႈတေလႆႈမိူၼ်ၼႆယူႇ။ မိူဝ်းၼႃႈ ၼင်ႇႁိုဝ်တေဢမ်ႇပဵၼ်တေႉ ၽူႈလူင်ႉလႅၼ်ႇ ဢၢႆႇထီႇ ၶဝ် တေႁဵတ်းပိူင်ၽွၼ်ႉ ဢၼ်လႂ်ၵေႃႈ ၶႅၼ်းတေႃႈၸွမ်းပၼ် ပိူင်ယူႇၼီႇၶူတ်ႉသေၵမ်း။

 ဢၢႆႈတုၵ်ႉၵတႃႇ

ဢႅဝ်ႇထိုင်ပလွၵ်ႉ ယိင်းမွၵ်ႇၵွၼ်ႇ

Blogger templates

Blogger Tips and TricksLatest Tips And TricksBlogger Tricks