မႂ်ႇသုင်တင်းသဵင်ႈၶႃႈ! ဝၼ်းမိူဝ်ႈၼႆႉၵေႃႈ ၶႃႈႁဝ်းလႆႈဢဝ်ၶၢဝ်ႇငၢဝ်းလီ မႃးၽၢၵ်ႇပၼ် ပီႈပီႈၼွင်ႉၼွင်ႉႁဝ်းၶဝ် လႆႈႁူႉလႆႈငိၼ်း လႆႈႁူမ်ၸူမ်းၸွမ်းၼႆၶႃႈဢေႃႈ၊
 |
| ၸဝ်ႈသြႃႇဝႃႇရိၼ်ႇတ ဝိႁၢရ်လူင်မိူင်းတၢင်ႈ ဢွၼ်တၵ်ႉယမ် ၸွမ်ပိဝ် ၽွင်းယၢမ်းၵၢင်ၼႂ် |
ၶၢဝ်ႇလီၼႆႉတႄႉပဵၼ်လွင်ႈ ပိုတ်ႇပၢင်သွၼ်ၾိင်ႈငႄႈပုတ်ႉထ လႄႈလိၵ်ႈလၢႆးတႆး တီႈၼႂ်းထုင်ႉမိူင်းတၢင်ႈ တူင်ႇဝဵင်းၵျွၵ်းမႄး ၼၼ်ႉၶႃႈယဝ်ႉ။
ၸွမ်းၼင်ႇၸဝ်ႈသြႃႇႁဝ်းၶႃႈဝိႁၢရ်လူင် ထုင်ႉမိူင်းတၢင်ႈ လႆႈဢွၼ်ႁူဝ်ၼမ်းၼႃႈ ႁဝ်းၶႃႈသြႃႇတၵႃႇၼႂ်းထုင်ႉမိူင်းတၢင်ႈ ၼႆႉသေ ပိုတ်ႇပၢင်သွၼ်ၾိင်ႈငႄႈပုတ်ႉထလႄႈလိၵ်ႈလၢႆးတႆး ႁဝ်းမႃးယူႇၵူႈပီပီသေ ထိုင်တီႈပီပွင်းမၼ်း မီးမႃးသၢဝ်း ပီလိူဝ်လိူဝ် ၼႆႉယူႇၶႃႈယဝ်ႉ။
ထိုင်မႃးပီၼႆႉၵေႃႈ ၸဝ်ႈသြႃႇႁဝ်းၶႃႈ လႄႈ ဢိၵ်ႇတင်းၸုမ်းၵေႃလိၵ်ႈလၢႆး ၼႂ်းထုင်ႉမိူင်းတၢင်ႈတင်းသဵင်ႈ လႆႈၸတ်းႁဵတ်း ပဵၼ် ပွႆးပိုတ်ႇပၢင်သွၼ်ၾိင်ႈငႄႈပုတ်ႉထလႄႈလိၵ်ႈလၢႆးတႆး ၵႂႃႇ မိူဝ်ႈလိူၼ်ႁႃႈမႂ်ႇ ၼိုင်ႈၶမ်ႈ ၼၼ်ႉထႅင်ႈၼႆသေ လုၵ်ႈႁဵၼ်းဢၼ်လႆႈမႃးၶိုၼ်ႈႁဵၼ်းသွၼ် ဢဝ်တင်းသဵင်ႈ မီးယူႇ
႒႕႘ (သွင်ပၢၵ်ႇႁႃႈသိပ်းပႅတ်ႇ) ၵေႃႉ၊ ၶူးသွၼ်တင်းသဵင်ႈ မီးယူႇ
႒႒ (သၢဝ်းသွင်) ၵေႃႉ ၼႆယူႇၶႃႈယဝ်ႉ၊ ယၢမ်းလဵဝ် ၼင်ႇႁိုဝ်သမ်ႉပေႃးတေထိုင်တီႈယွတ်ႈႁွတ်ႈတီႈပၢႆၼၼ်ႉ ၶူးသွၼ်ၶဝ်တင်းသဵင်ႈၶတ်းၸႂ်သႂ်ႇႁႅင်းသေ သွၼ်ပၼ်လုၵ်ႈႁဵၼ်းၶဝ် ၵၢင်ဝၼ်းဢိၵ်ႇၵၢင်ၶိုၼ်းယူႇဝႃႈၼႆၶႃႈယဝ်ႉ။
လိုၼ်းသုတ်းယိၼ်းၸူမ်းၶွပ်ႈၸႂ်ထိုင်တီႈ ၸၢႆးၶိတ်ႉဢူး ဢၼ်လႆႈဢဝ်ၶေႃႈမုၼ်းလႄႈ ၶၢဝ်ႇလွင်ႈၼႆႉမႃးလၢတ်ႈၼႄ တႄႉတႄႉဝႃႈဝႃႈယူႇၶႃႈယဝ်ႉ။
ၼပ်ႉယမ်ယႂ်ႇၼမ်ၽူႈမႃးပၼ်ႁႅင်းတင်းသဵင်ႈသေ
