႑ႉ ၵၢင်ၼႂ်ယၢမ်းမိူဝ်ႈလုၵ်ႉမႃး- ၵွၵ်းၽၢၼ်ႇၼိုင်ႈၵွၵ်း ဢမ်ႇၼၼ်သွင်ၵွၵ်းၵေႃႈလီ မၼ်းတေႁဵတ်းႁႂ်ႈ လိူတ်ႈၼႂ်းတူဝ် ႁဝ်းတိုၼ်ႇသၢၼ်ႈ လေႇၸွတ်ႇလီမႃး၊ တေလၢင်ႉသုၵ်ႈပႅတ်ႈဢၼ်ၵိုတ်းၶင်ႉဝႆႉၼႂ်းသႆႈ သဵၼ်တၢင်းၵႂႃႇၸူးႁူင်းၶဝ်ႈ သေ ယဝ်ႉ တေႁဵတ်းႁႂ်ႈ မီးႁႅင်းၶိူင်ႇၶမ်ႉၶိုၼ်ႈမႃးယဝ်ႉ။
႒ႉ မိူဝ်ႈပႆႇၵိၼ်တၢင်းၵိၼ်- ၸဵမ်မိူဝ်ႈပႆႇလႆႈၵိၼ်ၶဝ်ႈ ဢမ်ႇၼၼ်တၢင်းၵိၼ်ၼၼ်ႉ ဢွၼ်တၢင်းမွၵ်ႈ သၢမ်သိပ်းမိၼိတ်ႉ ၼၼ်ႉ လူဝ်ႇလႆႈၵိၼ်ပၼ်ၼိုင်ႈၵွၵ်း ဢမ်ႇၼၼ် သွင်ၵွၵ်းၵေႃႈလီယဝ်ႉ၊ ဝႆၢးၵိၼ်ၼမ်ႉ ယဝ်ႉၸင်ႇၵိၼ်ၸိုင် တၢင်းၵိၼ်ဢၼ် ႁဝ်းတေၵိၼ်ၼၼ်ႉၵေႃႈ တေႁဵတ်းႁႂ်ႈလႅဝ်ငႆၢႈလီ ၼိူဝ်ႉလိူတ်ႈ ႁဝ်းၵေႃႈတေတမီးႁႅင်းၸုပ်ႇဢဝ် ဢၼ်ပဵၼ်တၢင်းၵိၼ် ၸိူဝ်းၼၼ်ႉမႃးလႆႈလီလီယဝ်ႉ။
႓ႉ ဝၢႆးၵိၼ်ၶဝ်ႈယဝ်ႉ- ဝႆၢးၵိၼ်ၶဝ်ႈယဝ်ႉၼၼ်ႉ ပဵၼ်ၶၢဝ်းဢၼ်ႁဝ်းတွင်ႉမႆႈၼမ်ႉသေပိူၼ်ႈယဝ်ႉ၊ ၵူၺ်းၵႃႈ ၽူႈမီးပၺ်ႇ ၺႃႇပႆၢးယႃႈယႃၶဝ်ဝႃႈ ဢမ်ႇထုၵ်ႇလီၵိၼ်ၼမ်ႉဝႆၢးသေၵိၼ်ၶဝ်ႈယဝ်ႉ ၼႂ်းၶၢဝ်းတၢင်း ၶိုင်ႈၸူဝ်ႈမွင်းၼႆဝႃႈ မၼ်းတေၸၢင်ႈ ၵႂႃႇယႃႉ တၢင်းၵိၼ်ဢၼ်တိုၵ်ႉႁႃၵိၼ်ယဝ်ႉၼၼ်ႉၼႆဝႃႈ။
႔ႉ ၶၢဝ်းယၢမ်းႁူဝ်ၶမ်ႈ- ၶၢဝ်းယၢမ်းႁူဝ်ၶမ်ႈမွၵ်ႈ ႒ မွင်း ႓ မွင်းတႄႇၵႂႃႇ ထုၵ်ႇလီလႆႈၵိၼ်ပၼ်ၼမ်ႉ မွၵ်ႈသွင်ၵွၵ်းၼႆႉ ၼႆယဝ်ႉ၊ ၶၢဝ်းယၢမ်းဢၼ်ႁဝ်းႁိူဝ်ႉမႃးတင်းဝၼ်းၼၼ်ႉ သင်ဝႃႈႁဝ်းၵိၼ်ၼမ်ႉၶၢဝ်းၼၼ်ႉၼႆ တေၸၢင်ႈပၢင်ႇဢူၵ်းၸိုၼ်ႈ သႂ်ၵႂႃႇၼႆယဝ်ႉ။
႕ႉ ၵၢင်ၶမ်ႈၶၢဝ်းၸမ်ၼွၼ်း- ၶၢဝ်းၸမ်ၼွၼ်းဢၼ်ဝႃႈၼၼ်ႉၸမ်ႉ ႁဝ်းတေလႆႈၵိၼ်ပၼ် မိူဝ်ႈႁဝ်း ပႆႇၼွၼ်းမွၵ်ႈ လူဝ်ႇ ထႅင်ႈမွၵ်ႈၸူဝ်ႈမွင်းၼၼ်ႉယဝ်ႉ။ မိူဝ်ႈၶၢဝ်းႁဝ်းၼွၼ်းၼၼ်ႉ မၼ်းလူဝ်ႇမီးဝႆႉ ၼမ်ႉ ဢၼ်တဵမ်ထူၼ်ႈပုၼ်ႈတႃႇတေႁုင်ပၼ် တၢင်းၵိၼ်ၼႂ်းတွင်ႉႁဝ်းၸိူဝ်းၼၼ်ႉယဝ်ႉ သမ်ႉဝႃႈႁဝ်း ၼွၼ်းၵေႃႈၼႂ်းတွင်ႉၼႂ်းတူဝ်ႁဝ်းမၼ်းႁဵတ်းၵၢၼ်ႁၢဝ်ႈႁႅင်းဝႆႉလႄႈ မၼ်းလူဝ်ႇၼမ်ႉဝႆႉယဝ်ႉ။
ၶေႃႈယိုၼ်
ၶၢဝ်းယၢမ်းဢၼ်မႆႈႁွၼ်ႉၼၼ်ႉ မၢင်ပွၵ်ႈမၢင်လႂ်ႁဝ်းတွင်ႉမႆႈၼမ်ႉႁၢဝ်ႈႁႅင်းဝႆႉႁိူဝ်ႇႁဝ်းၵေႃႈဢွၵ်ႇ၊ ၼၼ်ႉတေႉဢမ်ႇလူဝ်ႇ မၵ်းမၼ်ႈၶၢဝ်းယၢမ်းသေၵိၼ်ပၼ်ၵေႃႈလႆႈယူႇၼႆဝႃႇ၊ မိူဝ်ႈဢၼ်မႆႈႁႅင်းၼႃႇၼၼ်ႉ သင်ႁဝ်းတွင်ႉမႆႈႁႅင်းၸိုင် ၽိူဝ်ႇတႃႉ ၵိၼ်ၼမ်ႉဝၢၼ် ၼမ်ႉမၢၵ်ႇမႆႉၼၼ်ႉ ၵိၼ်ၼမ်ႉလိပ်းၼႆႉ ၶႅမ်ႉလႅပ်ႈသေၼၼ်ႉၼႆဝႃႇ။ ၸွမ်းၼင်ႇဢၼ်ၼႄမႃးတီႈၼိူဝ်
ၼႆႉ မၼ်းတေၸၢင်ႈပၼ်ၽွၼ်းလီႁဝ်းႁႃးၸိူဝ်းဢၼ်သူင်တူၺ်း ပလွၵ်ႉႁဝ်းၼႆႉယူႇၵမ်ႈၽွင်ႈၶႃႈၼေႃႈ သင်ဝႃႈမႅၼ်ႈ ၵေႃႈဢဝ် ဢမ်ႇမႅၼ်ႈၼႆၵေႃႈၸိၸမ်ႈမႃးလီလီ လႆႈယူႇၶႃႈ။
(မၢႆတွင်းပိုၼ်ႉႁူႉဢၼ်ၼႆႉ လႆႈဢဝ်မႃးတီႈပလွၵ်ႉ ၶမ်ႈၼွၼ်းလိုၵ်း ၼၼ်ႉၶႃႈဢေႃႈ)
ဢႅဝ်ႇလေႇ ၶမ်ႈၼွၼ်းလိုၵ်း