လၵ်းပိူင်ၽႃႇသႃႇ

လၵ်းပိူင်ၽႃႇသႃႇ

မိူဝ်းဝၼ်းထိ 16 လိူၼ် 12 ပီ 2012 ၼႆႉ လႆႈၶဝ်ႈႁႃဢၢၼ်ႇလိၵ်ႈ ၼႂ်းဝႅပ်ႉသၢႆႉတ် www.shanyoma.org လႄႈ လႆႈႁၼ်မီးပပ်ႉလိၵ်ႈသၢႆပႅၼ်းလၢႆလၢႆပပ်ႉယူႇ။ ယွၼ်ႉပိူဝ်ႈမၢႆ 25 မီးဝႆႉပႃႈၼိူဝ်ပိူၼ်ႈလႄႈ ၸင်ႇလႆႈၽုၺ်ႇဢၢၼ်ႇပပ်ႉၼႆႉဢွၼ်တၢင်းယဝ်ႉ။ ၼႂ်းၼၼ်ႉ လႆႈႁၼ်လိၵ်ႈ ၺၢၼ်ႇၸွမ်လႅင်း (ၼမ်ႉၶမ်း) တႅမ်ႈထိုင်သၢႆပႅၼ်း လၢတ်ႈလွင်ႈမူႇလိၵ်ႈ “တူၼ်းသဵင်တႆး မီးလၢႆသႅင်” ၼႂ်းပပ်ႉသၢႆပႅၼ်း မၢႆ 24 ၼၼ်ႉလႄႈ ၸင်ႇလႆႉႁူႉဝႃႈ မူႇလိၵ်ႈ တူဝ်ၵဝ်ႇ လႆႈလူင်းၼႂ်းပပ်ႉ သၢႆပႅၼ်းယဝ်ႉ။ တီႈတႄႉ မူႇလိၵ်ႈၼႆႉ လႆႈတႅမ်ႈသူင်ႇပၼ်သၢႆပႅၼ်းတၢင်းဢီးမေးလ် ၸဵမ်မိူဝ်ႈလိူၼ် 2 ပီ 2010 ပုၼ်ႉ။ ယွၼ်ႉလူၺ်ႈ ဢမ်ႇလႆႈယိၼ်းၶၢဝ်ႇသင်ၶိုၼ်းတၢင်းသၢႆပႅၼ်းလႄႈ မူႇလိၵ်ႈၼႆႉ ႁွတ်ႈဢမ်ႇႁွတ်ႈ၊ လူင်းဢမ်ႇလူင်းၵေႃႈ ဢမ်ႇလႆႈႁူႉ။ တူဝ်ၽူႈတႅမ်ႈၵေႃႈ ဢမ်ႇလႆႈယူႇၼႂ်းမိူင်းလႄႈ ႁႃပပ်ႉသၢႆပႅၼ်းဢမ်ႇလႆႈ။

ၶႅပ်းႁၢင်ႈၸုမ်းမိူင်းတၢင်ႈၶမ်းၵၢပ်ႈသွမ်း

မႂ်ႇသုင်တင်းသဵင်ႈၶႃႈ
ဝၼ်းမိူဝ်ႈၼႆႉၶႃႈႁဝ်းလႆႈဢဝ်ၶႅပ်းႁၢင်ႈဢၼ် ၸုမ်းပီႈၼွင်ႉႁဝ်းၶႃႈ မိူင်းတၢင်ႈၶမ်း ဝဵင်းၵျွၵ်းမႄး လႆႈၵၢပ်ႈသွမ်းတီႈဝတ်ႉမႂ်ႇ မိူဝ်ႈဝၼ်းထိ 22/02/2015 ၼၼ်ႉမႃးၽၢၵ်ႇတွၼ်ႈပၼ်ပီႈၼွင်ႉႁဝ်းၶဝ်လႆႈႁူႉလႆႈႁၼ်လႆႈသႃထုၸွမ်း တၢင်းလီဢၼ်ၸုမ်းပီႈၼွင်ႉမိူင်းတၢင်ႈၶမ်းႁဝ်းလႆႈၵၢပ်ႈသွမ်းၼႆႉၼႆၶႃႈဢေႃႈ။

ၼၢင်းပၢၼ်ႈ ဝၢၼ်ႈၸၢၼ်း